Patrimonio da Humanidade

Onte acudín a un festival de música que se organizou ós pes da Torre de Hércules co galo de apoia-la súa candidatura coma monumento patrimonio da humanidade.
Actuaban varios grupos,nos chegamos cando estaban a tocar Som do Galpom un grupo de Compostela que fan unha musica a cabalo entre o funky e o hip hop cantando en galego que me sorprendeu e gustou moitísimo,moi recomendables dende logo.O festival rematou coa actuación dos cabezas do cartel o grupo de hip hop barcelonés Solo los solo.
O que de verdade me gustou deste festival foi a situacion do esceario,como vedes(un pouco difusamente iso si) na foto,situáronno de maneira que a homeaxeada(a torre) quedara presidindo o acto e os espectadores a tiveramos sempre presente a carón do esceario.
De verdade que a Torre de Hércules merece esta declaración de Patrimonio da Humanidade pola súa importancia histórica e moitas cousas mais,pero o que máis me gusta deste monumento é a súa presenza e o seu carácter,algo intangibel pero que podes sentir cando te acercas ata alí,co océano tan preto e o son das ondas batendo nas rochas de fondo.